نموذج الجولة داخل الجامعة التكنلوجية

اقدم اليكم النموذج اللي راح يقدم في المؤتمر العلمي في الجامعة التكنلوجية

وهو تصوير لكل انحاء الجامعة مع شرح لكل قسم اضافى الى الأماكن المهمة داخل الجامعة


للدخول الى النموذج


www.i-tich.net/blog/vtour-blog.htm



تحياتي لكم

تصوير الواجهات

باشرنا بالعمل بالخطة الجديدة للمشروع وهي تصوير واجهات القسم

والحمد لله كدرت اسوي نموذج بسيط للعمل المطلوب وما باقي الا نعرضه

على رئيس القسم للموافقة عليه وهاكم جزء من الصور للجامعة

قسم هندسة الحاسبات وتكنلوجيا المعلومات




قسم المواد








قسم هندسة الليزر









قسم الانتاج والمعادن




قسم الهندسة الكيمياوية








قسم هندسة الكهروميكانيك






قسم المعماري






جزء من قسم الرئاسة






وساحة التحرير مال التكنلوجية





شاركنا في هذا العمل صديقي الطالب علي عدنان من هندسة المكائن





انتظروني باجر ان شاء الله انزل الكم النموذج

تغيير اسلوب العمل

بعد عدة مداولات مع رئيس القسم

قرر تغيير الشكل العام للمشروع ليصبح بشكل عرض موحد لكل الجامعة مع مختبرات الاقسام

وعرض نبذه مختصرة لكل قسم وعرض واجهات للقسم

وبدأ العمل على هذه الفكرة وان شاء الله يكمل عن قريب

النموذج الشبه نهائي لقسم هندسة البرامجيات

مثل ما وعدتكم هاكم النموذج الشبه نهائي للقسم

طبعا تم ضغط الملف من 17 ميكا بايت الى 2 ميكا بايت

فأكيد راح تلكون جم صورة مغوشة ومو واضحة كل هذا علمود اللي خطه بطئ يكدر يشوف المشروع


للدخول الى النموذج اضغط هنا





مشاهدة ممتعة

تصوير قسم المواد

اليوم الحمد لله كملنا تصوير قسم المواد



وتم تصوير 6 مختبرات

اضافة الى غرفة رئيس القسم وواجهات للقسم وتجميع نبذة مختصرة لكل مختبر

وساعدنا في عملنا مسؤول المختبرات م م سرمد عماد

طبعا ما شاء الله عليهم قسمهم حلو ومرتب وعدهم هاي الباترينة اللي بيها عينات مال المواد

كلش عجبتني اكو منها اثنين وحدة بالبداية الدخول للقسم ووحدة بغرفة رئيس القسم

شوفوها






طبعا اسماء المختبرات اللي طكيتلها صور هي

• مختبر المعادن والمعاملات الحرارية
• مختبر المواد المتراكبة والبوليمرات
• مختبر انتقال الحرارة والموائع
• مختبر تآكل
• مختبر حاسبات
• مختبر مقاومة مواد

صور من بعض المختبرات



مختبر الحاسبات
==========





مختبر تآكل
========







الى هنا ينتهي هذا اليوم

تصوير قسم المدني

اليوم شاركنا العمل علاء الدين وضياء خضير
=========================

تم بحمد الله الانتهاء من تصوير الاماكن المهمة من قسم هندسة البناء والانشاءات




واللي جان البارحة وطلعنا فقط اني وداود للعمل وقابلنا مسؤول المختبرات الاستاذ مؤيد واللي بدوره ارسلنا الى

مجمع المختبرات الموجود يم منطقة المعامل في الجامعة

تم تصوير اربع مختبرات

• مختبر الاسفلت
• مختبر المواد
• مختبر الخرسانة
• مختبر الانشاءات الثقيلة

صور من المختبرات
==========
مختبر الاسفلت





مختبر الخرسانة



الى هنا ينتهي العمل

الجامعة التكنلوجية - النموذج الثاني

بعد عمل لمدة يومين تم بحمد الله النموذج التجريبي الثاني للجامعة التكنلوجية الافتراضية

ولو الصور قليلة للقسم من برة فخليت بعض الصور القديمة

الشغل الاصلي صار حجمة 3 ونص ميكا

بس النموذج التجريبي 300 كيلو بايت تقريبا تدرون ليش ؟؟؟؟

لان أولا: وخرت جم شغلة من النموذج يعني راح تلكون هواية صور على شكل مربعات ملونه او اشياء ما ينداس عليها
ثانيا : قللت الدقة مال الصور يعني راح تشوفون الصور مغوشة وكل هذا علمود اصعدها على النت

اتمنى الفكرة مال النموذج توصل (^_^)


لمشاهدة النموذج اضغط هنا


تحياتي لكم

اليوم الثالث من الجامعة التكنلوجية الافتراضية

طبعا اليوم أول مشكلة واجهتنا ؟؟؟؟؟؟؟

شنو قابل يومية مشكلة ؟؟؟

الحمد لله اليوم ماكو اي مشاكل صارت بدينا اليوم كعدنا بقاعة الانترنت شوية سولفنا بعدين كمنا نشوف الشغل مالتنا

مصطفى اليوم ما احجيلكم عليه اليوم جان جاي للكلية ساعة 6:45 الصبح ليش ؟؟ ما أعرف

ساعدنا بس بالمختبر مال برمجة ووراها فلت لان اهله خابره على شغلة ضرورية


مصطفى كاعد يرتب الحاسبات بالمختبر
=================

=====================================


وبدينه نصمم النموذج التجريبي ظلينا نص ساعة تقريبا ووراها بدينا نصور واليوم والحمد لله بفضل الاستاذ علي

كدرنا نصور اكثر المختبرات ولو خطية جان ديلعب طوبة بس الف رحمة لوالديه

طكينا اليوم للأماكن التالية

• غرفة الدكتور حسن
• مختبر Visual Programming
  
• مختبر الكترونيك
• مختبر شبكات
• مختبر منطق الرقمي

وكضينا اليوم صعدة ونزلة الى ان هلكنا (X_X)

وكعدنا بغرفة الدكتور محمد نجم استراحينا وجانت هناك كاعدة (ز.ع) على الحاسبة وظلينا ننقل بالصور بالفلاش

وطكينا جم صورة ووراها رجعنا للبيت ساعة 1 ونص

داود في أستراحة
=========

=====================================



اني نعسااااان

=============

=====================================



طبعا احب انوه الى شغلة بجهة الرئاسة ...اذا الشمس موجودة ما يفيد التصوير لان القسم راح يصير لونه أحمر عبالك مال

مصاصي الدماء وشوفوا هاي الصورة تثبت



جيكو جيكو ( مصاص الدماء)
===============

=====================================

اليوم الثاني ( تجميع الصور )

ستارت
{

طبعا احنة ما شاء الله متعودين على المشاكل ببداية اليوم

مشكلة اليوم هي الاستعلامات مال الجامعة مرة أخرى
نوع المشكلة : ادخال الكاميرا
الموضوع : انه ممنوع تصوير بالكاميرا خارج القسم واذا انلزمت كاعد تصور راح تنعلس الكاميرا وتتصادر (X_X)

المهم داود راح على رئيس القسم وتباحثوا الموضوع وبعد ما أدري شنو اللي صار

المهم بدينا اليوم بنشاط وحيوية كعدنا كبال القسم وكعدنا نقسم الاماكن اللي راح نطكلها صورة

طبعا مصطفى اليوم جان متأخر لان خطية جان نعسان اول مكان طكينا صورة بيه هو مدخل القسم اللي يروح على قسم الرئاسة

وقسم المختبرات وهنا لصناها لوصة والمهم الحمد لله لزكناها (^_^)


صورة لداود وهو ديصور المدخل
===============


=====================================


وطبينا للقسم من جهة الرئاسة ( مو منطقة الرئاسة) وطكينا لقسم التسجيل بس المشكلة الاكبر اللي واجهتنا اليوم

جانت كل المختبرات والقاعات مقفولة يعني شغلنا 3/4 طار بس دورنا على غرق مفتوحة وطكينا الصور




داود ومصطفى بجانب التسجيل
==============

=====================================



ومصطفى اليوم ما سوة شي بس مجرد وغف علينا وخليت داود يسويله ( ممة) لان بس يبجي



صورة مضحكة لمصطفى لان كأبنا فد مرة
====================

======================================




اليوم راح اكتب اسماء الغرف اللي كملنا طك الصور بيها واللي ما نحتاج بعد نشوفها

• غرفة الدكتور محمد نجم
  
• غرفة الدكتور باسم
• مركز الانترنت بالقسم
• مختبر البرمجة الاساسية
• الطابق الثالث من القسم (من جهة المختبرات)

وهاي مجموعة صور طكيناها للذكرى



داود في مختبر البرمجة الاساسية
=================

=====================================


اني كاعد بمركز الانترنت
============

=====================================


طبعا اكو شغل قيامة ورانا بس الى هنا كدرنا نشتغل بس باجر ان شاء الله نكمل تصوير باقي القسم

وانتظروا النموذج الثاني خلال الايام القادمة


}

النموذج التجريبي للمشروع

هذا من اول انتاجات الفريق وهو عبارة عن ملف فلاشي يشرح بصورة مبسطة عن قسم هندسة الحاسبات

طبعا اكو تعليقات مضحكة بس حتى نغير جو الكآبة اللي عايشين بيه (^_^)

لمشاهدة النموذج اضغط هنا



اتمنى ان يعجبكم

يوم العمل الأول ( تحضير الادوات)

طبعا أول مشكلة اليوم واجهتنا هي بالباب مال الجامعة ما خلوا ابن خالتي عمار يفوت للجامعة

المهم بعد مداولات بيني وبين ابو الاستعلامات فضت السالفة المهم بدينه يومنا انه رحنا على الدكتور محمد نجم

وانطانا الاستاند ورحنا على رئيس قسم هندسة الحاسبات وتكنلوجيا المعلومات والمشرف على المشروع الدكتور

محمود الشمري وزودنا بالكاميرا ( من نوع Panasonic Lumix) وبعد اتخاذ الاجراءات القانونية

من تسجيل الذمة وكتابة محتويات الباكيت مال الكاميرا طلعنا برة بس قبلها طكينا صور

هاي داود جان ديجرب الكاميرا

وهنا جنا دنحضر البرامج اللازمة للمشروع

وهاي هيج اني عجبني اطلك صورة لنفسي

هنا أول ما استلمنا الاستاند طكينا صورة للذكرى





الى هنا خلص اليوم الاول

ما هو مشروع الجامعة التكنلوجية الافتراضية ؟؟

انت طالب وتريد الالتحاق بالجامعة التكنلوجية

ولكن لا تعرف عنها اي شي

يوفر لك الموقع كافة المعلومات الضرورية للجامعة بجميع مرافقها الحيوية

حيث تتوفر المعلومات بالصور والكتابات عند الاطلاع عليها ستجعلك ملئ بالمعلومات الشاملة عن الجامعة

اول مبادئ المشروع

السلام عليكم

التحضيرات جارية على قدم وساق في التحضير للوازم المشروع

تم شراء الستاند + كاميرا من نوع فاخر

وجرت عدة تجارب او كما نسميها ( تجارب الأداء) وتمت بحمد الله

بالنسبة لاعضاء المشروع فكان كل طالب له وظيفة محددة

داود فائز : ( السوبر فايزر) لانه كان المتكلم الرسمي والوحيد مع رئيس القسم اضافة الى دورة الفعال في التقاط الصور.
أسامة حسن : ( الديزانر) الخاص للمشروع ما يعرف شي بس انطيه صور هو يسويها اي شي.
مصطفى محمد : ( المصري ) جان الاب الروحي للمشروع تريد فلوس تريد جذب بالكتابة هو يسويه.


بالنسبة لليوم جان حضورنا كافي لان كلشي ما سوينا بس مجرد تشاوفنا وكعدنا بالانترنت